Antaravlokan

Jab jeevan ka sanket miley
Pratibimb sahit aakhet miley
Vyarth samay ko kiye bina
Tum swayam ko mitr bana lena

Hai hriday mein uthti hulchul kyun
Basant mein bhi hai marusthal kyun
Hathhon mein liye jal, paudhe ko
Tum seech ke vriksh bana lena

Lakshya ki dhoomil chhavi bane
Kathinayi greeshm ka ravi bane
Le nishtha ka paripeksha faila
Tum dhoop mein chhaya bana lena

Peedit maanav koi yadi rahe
Akshon se neer ki nadee bahe
Prem se bheegi boondon se
Mukh par muskan saja dena.....